سری لنکا نے بھارت کی طرف سے فراہم کردہ اے سی ٹرین کا ٹرائل رن کامیابی کے ساتھ پورا کیا

کولمبو ۔ 21 فروری۔  سری لنکا نے 2014-15 میں توسیع شدہ  318 ملین امریکی ڈالر  کے  لائن آف کریڈٹ (ایل او سی) کے تحت ہندوستان کی طرف سے فراہم کی گئی اے سی ٹرین کے ٹرائلز کو کامیابی سے مکمل کر لیا ہے۔  موصولہ اطلاعات کے مطابق ہندوستان کے ہائی کمیشن کے عہدیداروں نے  رائٹس  اور سری لنکن ریلوے کے نمائندوں کے ساتھ 18 فروری 2022 کو سری لنکا میں اس کے کامیاب ٹرائل کے موقع پر ایک ایئر کنڈیشنڈ ٹرین  ڈیزل ملٹی پل یونٹ  پر سفر کیا۔”  سری لنکا میں بھارتی ہائی کمیشن نے مزید کہا، “سری لنکا کی حکومت کی درخواست اور ضروریات کے مطابق ریلوے رولنگ سٹاک کی فراہمی، ریلوے ٹریکس کی اپ گریڈیشن اور دیگر باہمی متفقہ منصوبوں کے لیے 2014-15 میں  318 ملین امریکی ڈالر کے ایل او سی کو حتمی شکل دی گئی تھی۔ ” سری لنکا میں ہندوستانی ہائی کمیشن نے ہندوستان سری لنکا تعاون کی تعریف کرتے ہوئے ایک ٹویٹ میں ٹرین کے ٹرائل رن کی تصاویر پوسٹ کیں۔ ہائی کمیشن نے ٹویٹ میں کہا، “لوگوں کو قابل بھروسہ اور عالمی معیار کی ریلوے سہولیات فراہم کرنے کے لیے ہندوستان-سری لنکا تعاون پر فخر ہے۔” حال ہی میں، بھارت نے سری لنکا کو 2.4 بلین امریکی ڈالر کی مالی امداد بھی فراہم کی جس کے بعد سری لنکا کے وزیر خارجہ جی ایل پیریسٹو انڈیا کے 6 سے 8 فروری تک دو روزہ سرکاری دورے پر آئے تھے۔