مودی نے میخائل مشستن کے کورونا وبا سے جلد صحت یا ب ہونے کی خواہش ظاہر کی

نئی دہلی، یکم مئی ( یواین آئی) وزیر اعظم نریندر مودی نے جمعہ کو روس کے وزیر اعظم میخائل مشستن کے عالمی وبا کورونا وائرس (كووڈ -19) سے جلد صحت یاب ہونے کی خواہش ظاہر کی ہے ۔
روسی وزیر اعظم نے جمعرات کو خود کورونا پازیٹو ہونے کی اطلاع دی تھی ۔ اس کے بعد خود آئیسولیشن میں جانے کی اطلاع دی تھی ۔ مسٹر مودی نے روسی وزیر اعظم کے جلدی صحت یاب ہونے کی خواہش ظاہر کرتے ہوئے ٹویٹ کیا’’ روس کے وزیر اعظم مشستن کی جلد صحت یاب ہونے اور بہتر تدروستي کے لئے میری نیک خواہشات ، اپنے قریبی دوست روس کے ساتھ كووڈ -19 وبا کو شکست دینے کی کوشش میں ہم مضبوطی سے اس کے ساتھ کھڑے ہیں‘‘ ۔ روس میں کورونا کے ایک لاکھ چھ ہزار 498 کیسز ہیں اور 1073 افراد ہلاک ہو چکے ہیں ۔ مسٹر مشستن نے کہا’’ میں نے اپنا کورونا ٹیسٹ کرایا تھا ۔ اس کی رپورٹ مثبت آئی ہے۔ اب میں خود آئیسولیشن میں جا رہا ہوں ۔ یہ انتہائی ضروری ہے تاکہ میرے ساتھی محفوظ اور صحت مند رہیں‘‘ ۔ وزیر اعظم میخائل مشستن نے صدر ولادیمیر پوتن کو بھی ویڈیو کانفرنس کے ذریعے کورونا مثبت ہونے کی اطلاع دی ہے ۔ واضح ر ہے کہ اس سے پہلے برطانیہ کے وزیر اعظم بورس جانسن بھی کورونا سے متاثر ہو گئے تھے اور اب انہوں نے صحت یاب ہو کر پھر سے کام کاج سنبھال لیا ہے ۔
یواین آئی ۔ ک