دہلی کے سرکاری اسکول ملک میں سرفہرست: سسودیا


نئی دہلی، 18 نومبر: دہلی کے نائب وزیر اعلی منیش سسودیا نے کہا کہ دہلی کے سرکاری اسکول پورے ملک کے سرکاری اسکولوں کی درجہ بندی میں پہلے نمبر پر ہے۔
انڈیا اسکول رینکنگ 2021-2022 کی فہرست شیئر کرتے ہوئے مسٹر سسودیا نے آج ٹویٹ کرکے کہا’’دہلی کے سرکاری اسکول پورے ملک کے سرکاری اسکولوں کی درجہ بندی میں پہلے نمبر پر ہے۔ ٹاپ 10 میں سے چار اسکول دہلی کے ہیں۔ مبارک ہو دہلی۔ دہلی کی ٹیم ایجوکیشن کو بھی مبارکباد۔
انہوں نے کہا کہ سیکٹر 10 دوارکا کا راجکیہ پرتیبھا وکاس ودیالیہ درجہ بندی میں پہلے نمبر پر ہے۔ دوسری طرف روہنی سیکٹر 11 کی گورنمنٹ پرتیبھا وکاس ودیالیہ چھٹے نمبر پر، دوارکا سیکٹر 5 کی راجکیہ پرتیبھا وکاس ودیالیہ آٹھویں اور یمنا وہار کی گورنمنٹ پرتیبھا وکاس ودیالیہ نویں نمبر پر ہے۔
وزیراعلی اروند کیجریوال نے ٹویٹ کیا کہ دہلی کے لوگوں کے لیے یہ بڑے فخر کی بات ہے۔