نتیش حکومت میں زہریلی شراب کا قہر، مظفر پور میں 6 سے زائد افراد کی موت معاملہ میں 2 کیس درج، 33 نامزد

نتیش حکومت میں زہریلی شراب کا قہر، مظفر پور میں 6 سے زائد افراد کی موت معاملہ میں 2 کیس درج، 33 نامزد
بہار کے مظفر پور ضلع میں گزشتہ ہفتہ زہریلی شراب پینے سے نصف درجن لوگوں کی موت کے معاملے میں دو الگ الگ معاملے درج کرائے گئے ہیں۔ اس معاملے میں اب تک چھ لوگوں کو گرفتار کیا گیا ہے جب کہ کئی لوگوں کو حراست میں لے کر پولیس پوچھ تاچھ کر رہی ہے۔ پولیس کے ایک افسر نے پیر کے روز بتایا کہ اتوار کو سریا تھانہ کے معطل تھانہ انچارج کمال الدین کے بیان پر دو الگ الگ ایف آئی آر درج کی گئی ہیں۔

پولیس کے مطابق روپولی میں ہوئی اموات کو لے کر درج ایف آئی آر میں 20 کو نامزد اور دیگر نامعلوم لوگوں کو ملزم بنایا گیا ہے۔ جب کہ سیوڑی میں ہوئی اموات کے لیے الگ درج ایف آئی آر میں 13 لوگوں کو نامزد اور دیگر نامعلوم لوگوں کو ملزم بنایا گیا ہے۔