دنیا کی سب سے بڑی کورونا ٹیسٹنگ لیب ہندوستان میں تیار ہوگی

نئی دہلی: انڈین ٹیکنالوجی انسٹی ٹیوٹ (آئی آئی ٹی) کے سابق طالب علموں نے کورونا وبا (كووڈ -19) کے متاثرین کی جانچ کے لئے دنیا کی سب سے بڑی ٹیسٹنگ لیب تیار کرنے کا فیصلہ کیا ہے۔ آئی آئی ٹی ایلومنائی کونسل نے یہ فیصلہ کیا ہے کہ وہ ممبئی میں کورونا کے ٹیسٹ کے لئے ایک میگا لیب بنائے گی جس کے ذریعہ ہر ماہ ایک کروڑ لوگوں کا ٹیسٹ کیا جاسکے گا۔ کونسل کے صدر روی شرما نے یہاں ایک بیان میں کہا کہ دنیا میں کورونا کا ٹیکہ تیار کرنے کی کوششیں جاری ہیں لیکن کونسل نے وائرس کے ماہرین سے رابطہ کرکے یہ فیصلہ کیا ہے کہ ممبئی میں ایک بہت بڑی لیب بنائی جائے۔ اس کے لئے گلوبل پارٹنرس کی تلاش اور انہیں مدعو کیا جا رہا ہے۔ آئی آئی ٹی کے تقریباً ایک ہزار سابق طالب علم دنیا بھر میں اپنی سطح پر کوششیں کرکے اس خاص پروجیکٹ کو پورا کرنے میں مصروف ہیں۔ اس لیب میں روبوٹ ٹیکنالوجی کااستعمال کیا جائے گا اور دیگر متعدی امراض کی جانچ بھی ہوگی۔ اس میں مستقبل میں ہر ماہ دس کروڑ لوگوں کے ٹیسٹ کی سہولت ہوگی۔

29 May 2020, 11:54 AM
الشباب کے دہشت گردوں نے نو ڈاکٹروں کو قتل کیا
ماسکو: الشباب دہشت گرد گروہ کے دہشت گردوں نے جنوبی صومالیہ میں اغوا کرکے نو ڈاکٹروں کو قتل کردیا۔ مقامی خبر کے مطابق ڈاکٹروں کی لاشیں شابیلے صوبے کے بلاد شہر کے نزدیک ملیں۔ سبھی ڈاکٹروں کی عمر زیادہ نہیں تھی اور وہ مقامی اسپتال میں کام کرتے تھے۔ صومالیہ 1990 دہائی کی شروعات سے خانہ جنگی کا شکار ہے۔ الشباب کے دہشت گرد اکثر یہاں حملے کرتے رہتے ہیں۔

29 May 2020, 11:11 AM
ناندیڑ میں سڑک حادثے میں بزرگ جوڑے کی موت
ناندیڑ: مہاراشٹر کے ناندیڑ- ناگپور قومی شاہرہ پر ہد گاؤں تحصیل میں جمعہ کی صبح ایک موٹرسائکل اور ٹرک کی ٹکر میں بزرگ جوڑے کی موت ہوگئی۔ اس حادثے میں موٹرسائکل پر سوار کاشی ناتھ بھیمہ راٹھوڑ(65) اور ان کی اہلیہ سولوچنا (60) کی موت ہوگئی جبکہ کاشی ناتھ نے اسپتال لےجاتے وقت دم توڑ دیا۔ حادثے کے بعد ٹرک ڈرائیور موقع سے فرار ہوگیا۔ ہد گاؤں پولیس نے ڈرائیور کے خلاف معاملہ درج کرلیا ہے۔

29 May 2020, 10:40 AM
میکسیکو میں کورونا سے مرنے والوں کی تعداد 9 ہزار کے پار
میکسیکو سٹی:میکسیکو میں کورونا وائرس کی وجہ سے پچھلے 24 گھنٹوں میں 447 لوگوں کی موت کے ساتھ ہی یہاں اس انفیکشن سے مرنے والوں کی تعداد 9044 پہنچ گئی ہے۔ نائب وزیر صحت ہوگو لوپیز گیٹیل نے اس کی اطلاع دی۔ انہوں نے کہا کہ پچھلے 24 گھنٹوں میں یہاں کورونا کے 3377 نئے معاملے سامنے آئے اور اب تک کل متاثرہ مریضوں کی تعداد 81400 ہوگئی ہے۔ عالمی ادارہ صحت نے گزشتہ 11 مارچ کو کورونا وائرس کو عالمی وبا قرار دیا تھا۔ جان ہاپکنز یونیورسٹی کے مطابق اب تک دنیا بھر میں کورونا سے 58 لاکھ لوگ متاثر ہیں اور 359000 لوگوں کی اس سے موت ہوئی ہے۔

29 May 2020, 10:14 AM
مصر، ایک دن میں کورونا کے 1000 سے زیادہ معاملے
قاہرہ: مصر میں ایک دن میں کورونا وائرس کے 1127 نئے معاملے سامنے آنے کے ساتھ ہی یہاں اس سے متاثرین کی تعداد 20793 پہنچ گئی ہے۔ وزارت صحت کے ترجمان خالد مجاہد نے اس بات کی اطلاع دی۔ انہوں نے بتایا کہ پچھلے 24 گھنٹوں میں کورونا کے 1127 نئے معاملے سامنے آئے ہیں اور 29 لوگوں کی اس سے موت ہوئی ہے۔ افسروں کے مطابق اب تک یہاں 5359 مریض اس بیماری سے ٹھیک ہوئے ہیں اور کُل 845 لوگوں کی موت ہوئی ہے۔ اس سے پہلے انتظامیہ نے کورونا وائرس کے خطرے کو روکنے کےلئے کئی طرح کی پابندیاں لگائی تھیں اور سبھی عوامی ٹریفک کو روک دیا تھا۔

29 May 2020, 9:04 AM
سعودی عرب میں کورونا کے 1644 نئے معاملوں کی تصدیق
ریاض: سعودی عرب میں جمعرات کو کورونا وائرس کے 1644 نئے معاملے سامنے آئے ہیں جس سے یہاں متاثرہ مریضوں کی تعداد بڑھ کر 80185 پہنچ گئی ہے۔ وزارت صحت کے مطابق کُل متاثرہ معاملوں میں 25191 فعال ہیں جبکہ 429 لوگوں کی حالت نازک ہے۔ پچھلے 24 گھنٹوں میں یہاں 3531 مریض ٹھیک ہوئے ہیں اور اب تک 54553 لوگ اس بیماری سے ٹھیک ہوچکے ہیں۔ سعودی عرب میں کورونا سے جمعرات کو 16 اور اموات ہوئی ہیں جس سے ہلاک شدگان کی تعداد بڑھ کر 441 ہوگئی ہے۔ وزارت نے بتایا کہ اب تک 770696 ٹیسٹ کرائے جاچکے ہیں۔ سعودی عرب اور چین اس وبا سے نمٹنے کے لئے ایک دوسرے کی حمایت کر رہے ہیں۔ گزشتہ فروری میں سعودی عرب نے چین کو مدد کی تجویز دی تھی۔

News UpdatesLockdownLive News UpdatesCoronavirusCOVID-19Coronavirus in IndiaLatest News UpdatesCovid-19 VaccineBreaking News Live
Published: 29 May 2020, 9:11 AM

پسندیدہ ترین
تصویر سوشل میڈیا
’کورونا وائرس بیوی جیسا ہے، برداشت کریں‘: انڈونیشی وزیر
تصویر سوشل میڈیا
ملک میں کورونا کے مریضوں میں زبردست اضافہ، 24 گھنٹوں میں 7466 نئے کیس، 175 اموات
سوشل میڈیا
حجاب ترقی کی راہ میں کوئی رکاوٹ نہیں:نئی ڈپٹی ڈسٹرکٹ جج رفیعہ ارشد کابیان
تصویر سوشل میڈیا
ہندوستان کا ٹی 20 سیریز سے شروع ہوگا آسٹریلیائی دورہ