رمضان کے مبارک مہینے کی ’دلی مبارکباد‘، عبادت گھر میں رہ کر ہی کریں: مایاوتی

لکھنؤ: بہوجن سماج پارٹی (بی ایس پی) کی صدر مایاوتی نے رمضان کے مہینے کی مبارکباد پیش کرتے ہوئے کہا ہے کہ ایک دوسرے سے فاصلے کا خیال کرتے ہوئے لاک ڈاؤں کے دوران گھر میں ہی نماز اور دیگر احکامات ادا کریں۔
جمعہ کو ایک ٹویٹ کرتے ہوئے مایاوتی نے کہا کہ کورونا کی وبا کو دیکھتے ہوئے گھر میں ہی نماز ادا کی جانی چاہئے۔ انہوں نے کہا، ’’رمضان المبارک کے مبارک مہینے پر ملک کے تمام مسلمان بہن بھائیوں اور ان کے اہل خانہ کو دلی مبارکباد اور نیک خواہشات۔ علی الصبح سے لے کر شام تک کے روزے اور روزمرہ کے کام کاج کے ساتھ ہی تلاوت قرآن، نماز اور تراویح وغیرہ کے اس مہینے زکوٰۃ کی کافی اہمیت ہے۔‘‘
انہوں نے مزید لکھا، ’’اگرچہ نماز، افطار، تراویح وغیرہ ایک ساتھ مل جل کر کرنے کا عمل ہے لیکن کورونا بحران کا تقاضہ ہے کہ عبادتیں گھر میں رہ کر ہی ادا کی جائے اور لاک ڈاؤن کے اصول و ضوابط پر سختی سے عمل کیا جائے تاکہ آپ اور آپ کے پڑوسی دونوں ہی کرونا وبا سے محفوظ رہیں۔ وسیع تر عوامی مفاد میں مجھے یہی کہنا ہے۔‘